يوميات جامعيه عاطله"2"

يومياتي..

المغرب الساعه6..اسمع صوت اختي الكبيرهالي معاناتها

قبلي ولكن الفرق بيني وبينهاانها فقدت الامل من سنوات

اختي":ياربي وش هالبيت مافي احد يوصل ولايودي ولايجيب

ابغى اروح السوق"

امي":وانا وش اسوي لك روحي دقي على اي سايق اجره..

تدق خالتي المنقذه:خلاص انا بوديكم بس ترا اخوي يبغى

ثمن البنزينطيب وش نسوي الحاجه..

اجلس انا "اروح اتروش واصلي وبعدين..

شمس وينكشغالتنا دوم منخشه تجلس تمشط بهالشعر والله شغالات اخر زمن

شمس":نعم لمى؟

انا"اعمليلي تشكن

اكل هالتشكن الي علت كبدي منه بس هذا الموجود

ادخل النت واشوف من متصل من الشله الداجه

غالبا مااشوف احد لانهم مثل الخفافيش مايطلعون الا اخرالليل

اقعد اطخطخ مايتم ويف ولاثيم ولاصور الااحملهم

طول الوقت كيذا

طبعا انا عندي لاب توب واكون جالسه ومتوسطه الاهل

شئ لللاب توب وشئ هواش ونقد مع خواتيمن الفضاوه

نتعشى الساعه 2واذا كان بدري 1

ارجع اطخطخ على النت قد اطلعوا الخفافيش واجلس

اسولف ياعالمسن ولا الجوال..

تجي الساعه 7اروح افطراحلى شئ الاكل في هالدنيا.

وارجع اطخطخ الى الساعه 8

ثم انام

هذي حياتي ادري منكم بيقولون وش هذا؟؟

هذي حياة اهل القبور..

برد عليه واقول:اذا عندك حل قولي

1-وظايف قدمنا

2-وزاج قسمه ونصيبولاالزين قاعد ترا ومايبي الا زين مثله

3-طلعه ولاروحه مافي سيارات واذا في تكون مره بالاسبوع

هذي حالة اغلب بنات وشباب السعوديه

والحل موبيد الا اللي فوق وبس..

ولا راح نتم مقبورين

وعسى الله يفرج علي وعلى كل شباب وبنات ديرتي

بس ..الامل موجود في الله سبحانه..

يوميات جامعيه عاطله..

الصراحه اول ما قررت اني اعمل مدونه كنت محتاره وش "ادون"

يمكن عشان كيذا ما ادرجتها تحت اي نوع او مسمى

لاني حبيتها تكون عامه ..

ممكن ادون فيها خواطر"متواضعه"او مشكلات وتعليقات

على اي شئ يصير في "ديرتي"او"بره"

الى ان قررت الان اتكلم عن "نفسي"وعن معاناتي الي

ممتده من اكثر من سنه

قررت تكون عبر "يوميات"اسرد فيها معاناتي

عل وعسى..تكون متنفس القى به الامل او المواساه

-------

انا "بنوته"<<"تصغر عمرها",,جامعيه ..وعلى قولة

شباب السعودهجامعي وليت حظي جا معي

لي سنه متخرجه من "جامعة الملك فيصل"الي هي من

اكبر جامعات المملكه ,,والي هي شهاداتها معترف بها عالميا

تخرجت تخصص"علم اجتماع"الي هو من افضل التخصصات

الي مجالاته واسعه وكثيره المفروض..

تخرجت بتقدير حيد جدا مرتفع..وكنت شايفه نفسي

تدرون ان عندنا بالجامعه اذا تخرجتي "بجيد"زين..فانا كنت

"دافوره.واخذت الجيد جدا..خوياتي غاروا مني كلهم

مقبول ويخب عليهم

كنت متوقعه اني راح اتوظف ..

1-لان علم الخدمه الاجتماعيه مجالاته واسعه..

2-كنت ابغى اكون يا اخصائيه اجتماعيه يا في مدرسه..اومستشفى

او سجنالحين ابي ولو كاتبه ولاسواقة تاكسي

3-انا عندي شهادة كومبيوتر وحسنت من وضعي في الانجليزي

بس عاد مو ذاك الزودكم كلمه انفع

4-قدمت على مدارس اهليه ومؤسسات وكلهم يطالعون بوجهك

من فوق لتحت والرد حاضرمن قالك عندنا وظايف؟

ولا الرد الثاني"يمكن نرد عليك اذا احتجناولااشوف الا قفاهم

تعبت وانا انتظر ..وابحث حتى في النت كني مرجوجه

تعبت وانا اشوف بعض البنات من دفعتي توظفوا وهم اقل مني

شهاده وكفاءه عشانعندهم واسطه وفيتامين "واو"

ابغى اعرف حنا في بلد البترول والخير والثروات ومو لاقيين كيانا

ولا استقلاليتنا..والله الوحده منا استحتوصلت لهالعمر وهي

عاله على ابوها .صرف وتعب على دراستنا وبعدين ماردينا شئ

الاسعار غليت والحاله قشرهنبغى نشيل همنا وهم والدينا

الى متى؟؟؟ابغى احس بقيمتي واستقلاليتي ..

والله العمر يعدي زي البرق وحنا بمكانا ساكن..

انا انسانه احس عندي من الكفاءه والجديه والالتزام الشئ الكثير

الي يجعلني مااتحمل اكون نايمه وماكله وبس..والله ظلم..

فلسفة المرض والابتلاء ..

امر بظروف صحيه لي الان شهر واسبوعين

زرت طبيب خارج مدينتي معروف وعطاني علاج

ولكني عندي قناعه تامه"ان الشفاء بيد الله سبحانه وتعالى"والطبيب

ليس عليه الا التشخيص والباقي على الله اذا وفقه في التشخيص والعلاج

العوارض التي احس بها غريبه والاطباء يحتارون منها لان التحاليل

فوق الممتازه واكثرهم يرجحون العامل النفسي..

ولكن الشاهد هنا"اني اعالج نفسي بالقران والدعاء والاستغفار"

وعندي يقين تام اني لااذهب للسبب البعيد "الطبيب"وهناك السبب القريب

وهو الله الشافي"

ولكن هناك من يجعل المؤمن يياس والعياذ بالله

فاسمع اناس وشيوخ يحيلون عوارض ضيق النفس والصداع والالم

الى انه عقاب من الله "سبحان الله"

لماذا ننظر الى الله جل جلاله "الشديد العقاب"ولانرى "رحيم ورؤؤف"

فيشتشهدون بقول الله "ومن اعرض عن ذكري فان له معيشة ضنكا"

-----

انا عندي قناعه بان الله ارحم بالعباد من انفسهم وامهم عليهم

يتناسون احاديث الرسول القدسيه في ابتلاءات العبد المؤمن

قال الرسول صلى الله عليه وسلم"اذا احب الله عبد ابتلاه"

"في حديث جميل بمامعناه""ان الملائكه اذا ابتلي عبد مؤمن يسالون الله

سبحانه لماذا ابتليته وهو مؤمن فيقول الله سبحانه:اني احب دعاؤه

وبالمقابل يسالون الملائكه ولكن هذا العاصي لماذا تنعمه فيقول الله:

اني اكره سماع دعاؤه""

يالله كم جميل وكم هذه الاحاديث تبعث الشفاء والله من اشد الامراض

دون طبيب ..والله اني الان اتحسن بفعل تفاؤلي وقراءتي ودعائي

والاهم يقيني بان الله ابتلاني <<ليكفر سيئاتي ..ويريدني ان ارجع اليه..

ويريد الخير لي""

الشاهد"ان القران نزل شفاء ..والله خلقنا في هذه الدنيا للاختبار"

فياليت نفهم ذلك ..بدل من ان نزيد الناس امراضهم والالامهم بتخويفهم

وجعل كل شئ عقاب ..وهم في امس الحاجه لرحمة الله واليقين برحمة

الله الواسعه..

----

اللهم يارحيم ياودود اشفني واشفي جميع مرضى المسلمين""

يارب

يارب يا رحيم..يامن رحمتك وسعت كل شئ

يااقرب لي من حبل الوريد

ياارحم بي من ابي وامي ونفسي علي

خلقتني وانت اعلم بي

انت ربي وانا عبدك

اللهم اشفني ..اللهم اشفني..اللهم اشفني

اذهب عني الحزن والهم والقلق

امين

اللهم صلي على محمد ووالحمدالله رب العالمين

$$سارا$$

سارا

اسم احببته حروفه وطريقة كتابته""باللالف""

عشقته لانه اسمها

اسم ""حبيبتي""التي كانت وغدرت الان

مع ان اسمها""ساره""الا انها تحب مني زيادة الالف..

افتقدك ياسارا""افتقدت حبك""::وحنانك..ونعومة صوتك::

افتقدت""انفاسك احسها تلسعني وتغذي عروقي حتى لو عبر اسلاك الجوال

افتقدت اهتمامك ..افتقدت خوفك علي الذي احسه لو ماتناولت وجبه

او قصرت بصحتي..

افتقدت اندفاعك وجنون عشقك وفكرك

افتقدت سرعة بديهتك وفهمك لي دون ان اعاني في شرحه..

سارا..

رغم رحيلك بلاسبب ولامقدمات ونسيانك او حتى لو احد

اخذك مني..

رغم جرحي منك واندهاشي ..وحقدي

سارا..انتي الوحيده التي اعطتني كل مااريده في الحب ومن

جميع النواحي دون عناء البحث..